Carpon Aksara Sunda

ᮎᮤᮔ᮪ᮒ ᮊᮥᮛᮤᮀ ᮊ ᮃᮔ᮪ᮏᮩᮔ

        ᮓᮤᮠᮤᮏᮤ ᮊᮙ᮪ᮕᮥᮞ᮪ ᮃᮚ ᮠᮤᮏᮤ ᮜᮜᮊᮤ ᮃᮔᮥ ᮍᮛᮔ ᮕᮄᮞᮜ᮪ ᮃᮊ᮪ᮘᮛ᮪. ᮓᮤᮠᮤᮏᮤ ᮕᮧᮆ ᮙᮔᮦᮠ᮪ᮔ ᮒᮨᮜᮒ᮪ ᮓᮒᮍ᮪ ᮊ ᮊᮙ᮪ᮕᮥᮞ᮪ ᮊᮥᮞᮘᮘ᮪ ᮃᮑᮛ᮪ ᮊᮦᮔᮦᮠ ᮃᮞᮥᮕ᮪ ᮊᮥᮜᮤᮃᮠ᮪, ᮙᮥᮔ᮪ ᮎᮛ ᮃᮚᮩᮔ ᮙᮠ᮪ ᮙᮘ ᮊᮦᮔᮦᮠ᮪ ᮏᮓᮤ ᮃᮎᮔ᮪ ᮃᮕᮜ᮪ ᮓᮤᮙᮔ ᮛᮧᮠᮍᮔ᮪ ᮊᮥᮜᮤᮃᮠ᮪ᮔ.

 ᮒᮧᮊ᮪....ᮒᮧᮊ᮪...ᮒᮧᮊ᮪. ᮞᮧᮛ ᮕᮔ᮪ᮒᮧ ᮃᮚ ᮔᮥ ᮍᮨᮒᮧᮊ᮪ ᮓᮤ ᮜᮥᮃᮛ᮪

 ᮙᮀᮌ ᮊ ᮜᮨᮘᮨᮒ᮪. ᮞᮅᮛ᮪ ᮓᮧᮞᮦᮔ᮪ ᮔᮥ ᮔᮥᮏᮥ ᮍᮝᮥᮜᮍ᮪ ᮓᮤ ᮏᮨᮛᮧ ᮊᮨᮜᮞ᮪

ᮕᮥᮔ᮪ᮒᮨᮔ᮪ ᮕ, ᮃᮘᮤ ᮒᮨᮜᮒ᮪. ᮞᮅᮛ᮪ ᮃᮔᮥ ᮍᮨᮒᮧᮊ᮪ ᮕᮔ᮪ᮒᮧ                  

ᮙᮥᮠᮥᮔ᮪ ᮞᮧᮊ᮪ ᮆᮀᮌᮜ᮪ ᮎᮜᮤᮊ᮪!

ᮠᮨᮙ᮪, ᮘᮥᮓᮊ᮪ ᮆᮒ ᮊᮞᮦᮕ᮪. ᮄᮕᮤᮒ᮪  ᮑᮛᮤᮇᮞ᮪ ᮓᮤ ᮏᮨᮛᮧ ᮠᮒᮦ. ᮘᮛᮤ ᮛᮓ ᮔᮤᮍᮜᮤᮊᮩᮔ᮪ ᮘᮥᮓᮊ᮪ ᮒᮓᮤ.

ᮠᮦᮠ᮪ ᮕᮤᮒ᮪ ᮙᮔᮦᮠ᮪ ᮓᮤᮒᮑ ᮒᮥᮠ᮪. ᮞᮅᮛ᮪ ᮄᮔᮠ᮪ ᮛᮦᮔ᮪ᮎᮀᮔ, ᮘᮛᮤ ᮛᮓ ᮍᮌᮨᮘᮥᮌ᮪ ᮊ ᮄᮕᮤᮒ᮪ ᮔᮥ ᮊᮩᮛ᮪ ᮙᮜᮝᮩᮀ.

ᮠᮠ᮪ ᮊᮥᮜᮔ᮪ ᮕ?. ᮘᮛᮤ ᮜᮥᮃᮊ᮪-ᮜᮤᮉᮊ᮪ ᮒᮩ ᮕᮥᮌᮥᮠ᮪.

ᮔᮇᮔ᮪ ᮓ ᮘᮕ ᮙᮠ᮪ ᮒᮩ ᮔᮛᮧᮞ᮪ ᮊ ᮄᮕᮤᮒ᮪, ᮔᮛᮧᮞ᮪ ᮇᮌᮦ ᮊ ᮄᮞᮜ᮪.

ᮠᮥᮠᮥᮠᮥᮠᮥᮠᮥᮠᮥ.... ᮄᮕᮤᮒ᮪ ᮓᮤ ᮆᮝᮧᮛ᮪ᮊᮩᮔ᮪ ᮊᮥ ᮘᮒᮥᮛ᮪ ᮞᮊᮨᮜᮞ᮪ᮔ

ᮎᮤᮆ ᮄᮕᮤᮒ᮪ ᮓᮔ᮪ ᮄᮞᮜ᮪. ᮞᮅᮛ᮪ ᮃᮓᮤ ᮔᮥ ᮞᮧᮊ᮪ ᮛᮨᮞᮨᮕ᮪ ᮠᮩᮛᮩᮚ᮪ ᮓᮤ ᮊᮨᮜᮞ᮪. ᮄᮞᮜ᮪ ᮙᮦᮞᮨᮙ᮪ ᮔᮤᮍᮜᮤᮊᮩᮔ᮪ ᮒᮤᮀᮊᮠ᮪ ᮄᮕᮤᮒ᮪ ᮔᮥ ᮞᮜᮠ᮪ ᮒᮤᮀᮊᮠ᮪.

        ᮞᮘᮦᮛᮦᮞ᮪ᮔ ᮊᮥᮜᮤᮃᮠ᮪ ᮄᮕᮤᮒ᮪ ᮒᮦᮠ᮪ ᮛᮓ ᮊᮄᮍᮨᮒ᮪-ᮄᮍᮨᮒ᮪ ᮘᮆ ᮘᮥᮓᮊ᮪ ᮔᮥ ᮒᮓᮤ ᮊᮘᮩᮛᮍᮔ᮪.

ᮕᮤᮒ᮪ ᮙᮔᮦᮠ᮪ ᮊᮥᮔᮇᮔ᮪ ᮞᮤᮠ ᮙᮦᮞᮨᮙ᮪-ᮙᮦᮞᮨᮙ ᮘᮆ? ᮒᮛᮧᮞ᮪ ᮄᮔᮠ᮪ ᮔᮥ ᮅᮄᮠ᮪ᮔ ᮞᮛᮨᮀ ᮄᮕᮤᮒ᮪.

ᮔᮠ᮪ ᮃᮔᮥ ᮒᮓᮤ ᮊᮘᮩᮛᮍᮔ᮪ ᮍᮛᮔ ᮞᮠ?

ᮇᮠ᮪ ᮞᮤ ᮕᮄᮞᮜ᮪ ᮃᮊ᮪ᮘᮛ᮪ ᮒᮕᮤ ᮞᮧᮊ ᮓᮤᮕᮀᮌᮤᮜ᮪ ᮄᮞᮜ᮪, ᮊᮥᮔᮇᮔ᮪ ᮊᮤᮒᮥ?

ᮊᮞᮦᮕ᮪ ᮑ?

ᮃᮠ᮪ ᮘᮧᮌᮧᮠ᮪ ᮑ?

ᮠᮨᮔ᮪ᮒᮩ ᮄᮠ᮪ ᮔᮑ ᮠᮥᮀᮊᮥᮜ᮪, ᮒᮤᮙᮤᮙᮤᮒᮤ ᮊᮥᮜᮤᮃᮠ᮪ ᮃᮞᮔ ᮊᮛᮊ᮪ ᮞᮓᮛ᮪ ᮙᮥᮔ᮪ ᮞᮤ ᮄᮞᮜ᮪ ᮒᮦᮠ᮪ ᮊᮞᮦᮕ᮪.

ᮠᮨᮙ᮪ ᮓᮞᮛ᮪ ᮄᮍᮨᮒ᮪ ᮙᮔᮦᮠ᮪ ᮒᮦᮠ ᮘᮧᮌ ᮞᮤ ᮖᮏᮛ᮪.

ᮠᮨᮙ᮪, ᮒᮨᮔᮀ ᮘᮦ ᮔᮠ᮪, ᮓ ᮃᮘᮤ ᮙᮠ᮪ ᮛᮨᮞᮨᮕ᮪ ᮠᮥᮀᮊᮥᮜ᮪. ᮆᮠ᮪ ᮚᮥ ᮃᮠ᮪ ᮅᮛᮀ ᮌᮩᮛ ᮅᮄᮠ᮪.

ᮠᮚᮥ ᮃᮠ᮪.

ᮞᮜᮤᮜ ᮓᮤ ᮏᮜᮔ᮪ ᮄᮕᮤᮒ᮪ ᮒᮦᮠ᮪ ᮊᮄᮍᮨᮒᮔ᮪ ᮘᮆ ᮊ ᮄᮞᮜ᮪, ᮒᮦ ᮍᮠᮏ ᮄᮞᮜ᮪ ᮍᮜᮀᮊᮥᮀ ᮓᮤ ᮕᮚᮥᮔᮩᮔ.

ᮃᮜᮠ᮪ ᮄᮒᮥ ᮄᮞᮜ᮪. ᮎᮩᮊ᮪ ᮄᮔᮠ᮪

ᮙᮔ? ᮘᮛᮤ ᮜᮥᮃᮊ’-ᮜᮤᮉᮊ᮪ ᮔᮦᮃᮍᮔ᮪ ᮄᮞᮜ᮪.

ᮌᮥᮞ᮪ᮒᮤ ᮔᮥ ᮃᮌᮥᮀ ᮙᮩᮔᮤ ᮊᮞᮦᮕ᮪ ᮕᮤᮞᮔ᮪.

ᮠᮦᮠ᮪ ᮄᮍᮨᮒ᮪ ᮙᮔᮦᮠ᮪ ᮒᮦᮠ᮪ ᮌᮩᮞ᮪ ᮘᮧᮌ ᮊᮘᮧᮌᮧᮠ᮪.

ᮙᮥᮠᮥᮔ᮪ ᮔᮠ᮪. ᮘᮛᮤ ᮛᮓ ᮒᮥᮀᮊᮥᮜ᮪ ᮄᮞᮤᮔᮩᮔ᮪ ᮊ ᮄᮔᮠ᮪.

        ᮘᮩᮊᮤ ᮜᮤᮜ, ᮘᮩᮊᮤ ᮛᮨᮞᮨᮕ᮪ ᮄᮕᮤᮒ᮪ ᮊ ᮄᮞᮜ᮪, ᮒᮕᮤ ᮓᮤᮞᮤᮞᮤ ᮜᮤᮃᮔ᮪ ᮄᮕᮤᮒ ᮙᮞᮤᮠ᮪ ᮊᮦᮔᮦᮠ᮪ ᮘᮧᮘᮧᮌᮧᮠᮔ᮪ ᮏᮩᮀ ᮖᮏᮛ᮪.

ᮔᮦᮀ ᮔᮠ ᮃᮚᮩᮔ ᮙᮠ᮪ ᮃᮞ ᮘᮦᮓ? ᮒᮑ ᮖᮏᮛ᮪ ᮊ ᮄᮕᮤᮒ᮪ ᮓᮤᮔ ᮒᮨᮜᮨᮕᮧᮔ᮪, ᮓ ᮖᮏᮛ᮪ ᮏᮩᮀ ᮄᮕᮤᮒ᮪ ᮠᮨᮔ᮪ᮒᮩ ᮊᮥᮜᮤᮃᮠ᮪ ᮘᮛᮨᮀ ᮒᮕᮤ ᮖᮏᮛ᮪ ᮙᮠ᮪ ᮓᮙᮨᮜ᮪.

ᮠᮨᮔᮒᮩ, ᮔᮠ ᮊᮥᮔᮇᮔ᮪ ᮃ ᮓ ᮃᮞᮔ ᮃᮃ ᮔᮥ ᮘᮦᮓ ᮙᮠ᮪. ᮄᮕᮤᮒ ᮒᮩ ᮘᮤᮞ ᮍᮏᮨᮜᮞ᮪ᮊᮩᮔ ᮔᮔᮇᮔ᮪ ᮊ ᮖᮏᮛ᮪.

ᮔᮦᮀ, ᮠᮙ᮪ᮕᮥᮛ ᮕᮤᮞᮔ᮪ ᮃᮃ.

ᮠᮙ᮪ᮕᮥᮛ ᮔᮠ ᮃ?

ᮃᮃ ᮒᮧᮞ᮪ ᮍᮠᮤᮃᮔᮒᮤ ᮔᮦᮀ.

ᮏᮓᮤ ᮃᮃ ᮍᮓᮥᮃ ᮒᮤ ᮔᮦᮀ?ᮙᮥᮠᮥᮔ᮪ ᮔᮦᮀ, ᮠᮙ᮪ᮕᮥᮛ ᮕᮤᮞᮔ᮪.

ᮔᮠ ᮃᮃ ᮊᮤᮒᮥ ᮊ ᮔᮦᮀ? ᮔᮦᮀ ᮙᮠ᮪ ᮞᮒᮤᮃ ᮊ ᮃᮃ, ᮒᮕᮤ ᮔᮇᮔ᮪ ᮘᮜᮨᮞᮔ᮪ ᮃᮃ ᮊ ᮔᮦᮀ? ᮞᮘᮛᮤ ᮎᮩᮛᮤᮊ᮪ ᮊᮥᮞᮘᮘ᮪ ᮑᮩᮛᮤ ᮠᮒᮦ ᮓᮤᮓᮥᮃᮊᮩᮔ᮪ ᮊᮥ ᮖᮏᮛ᮪.

ᮌᮩᮞ᮪ ᮜᮠ᮪ ᮃ, ᮃᮚᮩᮔ ᮙᮠ᮪ ᮔᮦᮀ ᮃᮜᮤᮙ᮪ ᮊᮨᮔᮜ᮪ ᮓᮩᮤᮄ ᮊ ᮃᮃ, ᮔᮦᮀ ᮙᮠ᮪ ᮌᮩᮞ᮪ ᮒᮩ ᮊᮥᮃᮒ᮪ ᮑᮨᮛᮤ ᮠᮒᮦ ᮊᮥ ᮞᮤᮊᮕ᮪ ᮃᮃ.

ᮒᮕᮤ ᮔᮦᮀ...... ᮒᮨᮜᮨᮕᮧᮔ ᮊᮘᮥᮛᮥ ᮓᮤᮕᮛᮩᮙᮔ᮪ ᮊᮥ ᮄᮕᮤᮒ᮪.

        ᮄᮞᮥᮊ᮪ ᮊᮦᮔᮦᮠ᮪ ᮄᮕᮤᮒ᮪ ᮌᮩᮞ᮪ ᮃᮀᮊᮒ᮪ ᮊ ᮊᮙ᮪ᮕᮥᮞ᮪  ᮓ ᮘᮓᮦ ᮑᮛᮤᮒ ᮊ ᮄᮔᮠ᮪ ᮞᮧᮘᮒ᮪ᮔ

ᮔᮠ᮪, ᮃᮘᮤ ᮙᮠ᮪ ᮑᮩᮛᮤ ᮠᮒᮦ ᮕᮤᮞᮔ᮪ ᮊᮥ ᮖᮏᮛ᮪. ᮄᮕᮤᮒ᮪ ᮍᮙᮤᮙᮤᮒᮤᮃᮔ᮪ ᮑᮛᮤᮒ ᮊ ᮄᮔᮠ᮪ ᮔᮥ ᮄᮞᮥᮊ᮪ ᮊᮦᮔᮦᮠ᮪ ᮑᮙ᮪ᮕᮩᮛ᮪ᮊᮩᮔ᮪ ᮄᮕᮤᮒ᮪ ᮓᮤ ᮕᮚᮥᮔᮩᮔ᮪ ᮊᮨᮜᮞ᮪.

ᮊᮥᮔᮇᮔ᮪ ᮆᮙᮀ ᮕᮤᮒ᮪?

ᮞᮤ ᮖᮏᮛ᮪ ᮍᮓᮥᮃᮊᮩᮔ᮪ ᮃᮘᮤ. ᮘᮛᮤ ᮎᮩᮛᮤᮊ᮪ ᮒᮥᮛ᮪ ᮍᮛᮀᮊᮥᮜ᮪ ᮊ ᮄᮔᮠ᮪.

ᮔᮠ ᮘᮤᮞ ᮊᮤᮒᮥ?

ᮓᮥᮊ ᮓ ᮃᮘᮤ ᮙᮠ᮪ ᮒᮩ ᮒᮩᮛᮀ ᮔᮔᮇᮔ᮪, ᮒᮨᮛᮥᮞ᮪ ᮃᮚᮩᮔ ᮃᮘᮤ ᮊᮥᮓᮥ ᮊᮥᮙᮠ ᮔᮠ᮪?

ᮑ ᮌᮩᮞ᮪ ᮝᮦ ᮕᮧᮠᮧᮊᮩᮔ᮪ ᮏᮀ ᮔᮇᮔ᮪ ᮜᮜᮊᮤ ᮊᮤᮒᮥ, ᮃᮕᮔ᮪ ᮃᮚᮩᮔ ᮙᮔᮦᮠ᮪ ᮌᮩᮞ᮪ ᮊᮥᮜᮤᮃᮠ᮪ ᮓᮤᮓᮤᮉ ᮏᮓᮤ ᮜᮧᮘ ᮜᮜᮊᮤ ᮔᮥ ᮜᮩᮝᮤᮠ᮪ ᮊᮞᮦᮕ᮪ ᮒᮥᮛ᮪ ᮘᮌᮩᮛ᮪ ᮒᮤᮘᮒᮔ᮪ ᮞᮤ ᮖᮏᮛ᮪.

ᮙᮥᮠᮥᮔ᮪ ᮃᮒᮥᮠ᮪ ᮜᮠ᮪ ᮃᮚᮩᮔ ᮙᮠ᮪ ᮛᮦᮊ᮪ ᮘᮨᮔᮨᮛ᮪-ᮘᮨᮔᮨᮛ᮪ ᮙᮧᮕᮧᮠᮧᮊᮩᮔ᮪ ᮞᮤ ᮖᮏᮛ᮪.

        ᮒᮩ ᮜᮤᮜ ᮄᮞᮜ᮪ ᮍᮜᮤᮝᮒ᮪ ᮓᮤ ᮠᮛᮩᮕᮩᮔ᮪ ᮄᮕᮤᮒ᮪ ᮏᮩᮀ ᮄᮔᮠ᮪. ᮄᮕᮤᮒ᮪ ᮜᮀᮞᮥᮀ ᮙᮦᮞᮨᮙ᮪ ᮔᮤᮍᮜᮤ ᮄᮞᮜ᮪ ᮃᮔᮥ ᮒᮤᮙᮤᮙᮤᮒᮤ ᮓᮤᮕᮤᮊᮛᮨᮞᮨᮕ᮪. ᮄᮔᮠ᮪ ᮍᮜᮤᮛᮤᮊ᮪ ᮊ ᮄᮕᮤᮒ᮪ ᮘᮛᮤ ᮙᮦᮛᮦ ᮞᮥᮙᮍᮨᮒ᮪.

ᮒᮥᮠ᮪ ᮎᮩᮊ᮪ ᮕᮛᮤᮘᮞ ᮇᮌᮦ ᮔᮇᮔ᮪, ᮕᮥᮎᮥᮊ᮪ ᮓᮤᮎᮤᮔ᮪ᮒ ᮅᮜᮙ᮪ᮕᮥᮔ᮪ ᮒᮤᮘ, ᮌᮩᮞ᮪ ᮃᮚᮩᮔ ᮙᮠ᮪ ᮏᮩᮀ ᮔᮥ ᮃᮚ ᮝᮦᮠ᮪, ᮊᮥ ᮃᮘᮤ ᮓᮤᮓᮥᮊᮥᮀ ᮏᮩᮀ ᮞᮤ ᮄᮞᮜ᮪. ᮄᮕᮤᮒ᮪ ᮙᮦᮞᮨᮙ ᮒᮔ᮪ᮓᮔ ᮞᮥᮙᮍᮨᮒ᮪.

        ᮞᮛᮦᮀᮞᮦᮔ ᮄᮕᮤᮒ᮪ ᮊᮥᮜᮤᮃᮠ᮪, ᮓᮤ ᮄᮙᮠ᮪ᮔ ᮙᮤᮊᮤᮛᮔ᮪ ᮇᮙᮧᮍᮔ᮪ ᮄᮙᮠ᮪ ᮒᮓᮤ ᮓᮤ ᮊᮙ᮪ᮕᮥᮞ᮪.

ᮠᮩᮉᮠ᮪ ᮑ ᮞᮤ ᮄᮞᮜ᮪ ᮒᮦᮠ᮪ ᮊᮞᮦᮕ᮪, ᮘᮌᮩᮛ᮪ ᮓᮩᮄᮠ᮪ ᮒᮕᮤ ᮠᮩᮉᮠ᮪ ᮞᮤᮠ᮪ ᮛᮓ ᮜᮥᮀᮌᮥᮠ᮪.

        ᮒᮠ᮪ ᮊᮩᮛ᮪ ᮙᮤᮊᮤᮛ᮪ ᮊᮤᮒᮥ ᮄᮔᮠ᮪ ᮑᮙ᮪ᮕᮩᮛ᮪ᮊᮩᮔ᮪ ᮊ ᮊᮙᮛ᮪ᮔ ᮓ ᮒᮧᮞ᮪ ᮏᮔ᮪ᮏᮤᮃᮔ᮪ ᮛᮦᮊ᮪ ᮍᮨᮛ᮪ᮏᮊᮩᮔ᮪ ᮒᮥᮌᮞ᮪ ᮘᮛᮨᮀ.

ᮠᮚᮧ, ᮊᮩᮛ᮪ ᮙᮤᮊᮤᮛ᮪ᮊᮩᮔ᮪ ᮞᮠ? ᮞᮤ ᮄᮞᮜ᮪ ᮑ?

 ᮤ       ᮄᮕᮤᮒ᮪ ᮛᮩᮝᮞᮩᮔ᮪ ᮓ ᮄᮔᮠ᮪ ᮃᮞᮥᮕ᮪ ᮊ ᮊᮙᮛ᮪ᮔ ᮒᮩ ᮘᮦᮏ-ᮘᮦᮏ ᮏᮩᮀ ᮞᮅᮊᮥᮛ᮪ ᮙᮦᮞᮨᮙ᮪ ᮘᮛᮤ ᮒᮩ ᮍᮊᮥ.

ᮔᮇᮔ᮪ ᮞᮤᮠ᮪ ᮠᮨᮔ᮪ᮒᮩ ᮇᮌᮦ.

ᮜᮠ᮪ ᮞᮧᮊ᮪ ᮒᮩ ᮍᮊᮥ, ᮌᮙ᮪ᮕᮀ ᮍ᮪ᮊᮦ ᮊᮥ ᮅᮛᮀ ᮓᮤ ᮎᮧᮔ᮪ᮜᮀᮊᮩᮔ᮪.

ᮒᮕᮤ ᮞᮤ ᮄᮞᮜ᮪ ᮒᮦᮠ᮪ ᮛᮓ ᮊᮤᮒᮥ.

ᮊᮤᮒᮥ ᮊᮥᮙᮠ?

ᮑ ᮎᮥᮆᮊ᮪, ᮏᮥᮓᮨᮞ᮪, ᮎᮤᮎᮤᮍᮩᮔ᮪, ᮒᮨᮛᮥᮞ᮪ ᮃᮞ ᮙᮤᮔ᮪ᮓᮨᮛ᮪ ᮍᮓᮩᮊᮩᮒᮔ᮪ ᮞᮤ ᮄᮞᮜ᮪ᮔ.

ᮌᮩᮞ᮪ ᮒᮨᮔᮀ ᮆᮒ ᮙᮠ᮪ ᮅᮛᮥᮞᮔ᮪ ᮅᮛᮀ, ᮑᮠᮧ ᮘᮦᮛᮦᮞ᮪ ᮘᮦ.

        ᮌᮔ᮪ᮒᮤ ᮕᮧᮆ ᮞᮕᮛᮔ᮪ᮒᮧᮞ᮪ᮔ ᮛᮦᮀᮞᮦ ᮊᮥᮜᮤᮃᮠ᮪ ᮄᮕᮤᮒ᮪ ᮏᮩᮀ ᮄᮔᮠ᮪ ᮊ ᮒᮧᮊᮧ ᮘᮥᮊᮥ ᮓ ᮃᮚ ᮘᮥᮊᮥ ᮔᮥ

ᮕᮤᮒ᮪ ᮠᮚᮥ ᮌᮩᮛ ᮞᮤᮃᮕ᮪ ᮅᮛᮀ ᮊ ᮒᮧᮊᮧ ᮘᮥᮊᮥ.

ᮙᮥᮠᮥᮔ᮪ ᮔᮠ᮪ ᮅᮛᮀ ᮙᮦᮛᮦᮞ᮪ᮊᮩᮔ᮪ ᮠᮩᮜ ᮘᮥᮊᮥ.

        ᮞᮕᮛᮔ᮪ᮒᮧᮞ᮪ ᮓᮤ ᮒᮧᮊᮧ ᮘᮥᮊᮥ, ᮄᮕᮤᮒ ᮏᮩᮀ ᮄᮔᮠ᮪ ᮙᮤᮞᮠ᮪ ᮔᮦᮃᮍᮔ᮪ ᮘᮊᮥ ᮊᮕᮨᮛ᮪ᮜᮥᮃᮔ ᮙᮞᮤᮀ-ᮙᮞᮤᮀ. ᮊᮘᮨᮔᮨᮛᮔ᮪ ᮞᮤ ᮄᮞᮜ᮪ ᮃᮚ ᮓᮤ ᮒᮧᮊᮧ ᮘᮥᮊᮥ ᮃᮔᮥ ᮞᮛᮥᮃ. ᮒᮕᮤ ᮞᮙᮦᮙᮦᮠ᮪ᮔ ᮄᮕᮤᮒ ᮒᮩ ᮃᮕᮜᮩᮔ᮪ ᮙᮥᮔ᮪ ᮄᮞᮜ᮪ ᮃᮚ ᮓᮤ ᮒᮧᮊᮧ ᮘᮥᮊᮥ ᮆᮒ.

ᮔᮠ᮪ ᮃᮘᮤ ᮘᮓᮦ ᮊ ᮘᮩᮜᮠ᮪ ᮓᮤᮒᮥ ᮔᮦᮃᮍᮔ᮪ ᮘᮥᮊᮥ ᮒᮦᮃ ᮞᮥᮌᮔ᮪ ᮃᮚ.

ᮇᮠ᮪ ᮑ ᮞᮧᮊ᮪.

ᮒᮠ᮪ ᮄᮒᮥ ᮌᮨᮔᮤᮀ ᮃᮚ ᮘᮥᮊᮥᮔ. ᮘᮛᮤ ᮞᮩᮛᮤ ᮘᮥᮍᮠ᮪ ᮜᮔ᮪ᮒᮛᮔ᮪ ᮊᮕᮀᮌᮤᮠ᮪ ᮘᮥᮊᮥ ᮃᮔᮥ ᮓᮤ ᮒᮦᮃᮍᮔ᮪.

        ᮕᮞ᮪ ᮘᮥᮊᮥ ᮃᮔᮥ ᮓᮤᮙᮊ᮪ᮞᮥᮓ᮪ ᮛᮦᮊ᮪ ᮓᮤ ᮎᮧᮊᮧᮒ᮪ ᮕᮞ᮪-ᮕᮞᮔ᮪ ᮘᮥᮊᮥ ᮆᮒ ᮒᮦᮠ᮪ ᮊᮩᮛ᮪ ᮓᮤ ᮎᮨᮊᮨᮜ᮪ ᮊᮥ ᮄᮞᮜ᮪, ᮏᮓᮤ ᮝᮦᮠ᮪ ᮓᮥᮃᮃᮔ᮪ ᮆᮒ ᮒᮦᮠ ᮞᮤᮜᮤᮠ᮪ ᮘᮨᮒᮧᮒ᮪ ᮘᮥᮊᮥ ᮃᮔᮥ ᮓᮤ ᮙᮊ᮪ᮞᮥᮓ᮪.

ᮆᮆᮠ᮪, ᮄᮞᮜ᮪ ᮃᮛᮦᮊ᮪ ᮙᮦᮞᮦᮛ᮪ ᮘᮥᮊᮥ ᮄᮉ? ᮔᮠ ᮘᮤᮞ ᮞᮙᮤ ᮄᮕᮤᮒ᮪ ᮇᮌᮦ ᮘᮓᮦ ᮙᮦᮞᮦᮛ᮪ ᮘᮥᮊᮥ ᮄᮉ.

ᮆᮆᮠ᮪ ᮄᮕᮤᮒ᮪ ᮙᮥᮠᮥᮔ᮪ ᮃᮘᮤ ᮘᮓᮦ ᮙᮦᮞᮦᮛ᮪ ᮘᮥᮊᮥ ᮄᮉ..

ᮑ ᮒᮨᮛᮥᮞ᮪ ᮊᮥᮙᮠ ᮃᮒᮥᮠ?

ᮊᮦ ᮠᮩᮜ, ᮅᮛᮀ ᮒᮛᮧᮞ᮪ᮊᮩᮔ᮪ ᮊ ᮊᮞᮤᮛ᮪ ᮃᮚ ᮊᮦᮔᮦᮠ᮪ ᮒᮩ ᮞ᮪ᮒᮧᮊ ᮘᮥᮊᮥᮔ.

ᮇᮠ᮪ ᮑ ᮃᮒᮥᮠ᮪.

        ᮒᮥᮜᮥᮚ᮪ ᮄᮞᮜ᮪ ᮏᮩᮀ ᮄᮕᮤᮒ᮪ ᮊ ᮊᮞᮤᮛ᮪ ᮔᮛᮧᮞ᮪ᮊᮩᮔ᮪ ᮞ᮪ᮒᮧᮊ᮪ᮔ.

ᮒᮦᮠ᮪ ᮓᮥᮕᮤ ᮘᮥᮊᮥ ᮄᮉ ᮙᮞᮤᮠ᮪ ᮃᮚ ᮞ᮪ᮒᮧᮊ᮪ᮔ? ᮞᮅᮛ᮪ ᮄᮞᮜ᮪ ᮊ ᮒᮥᮊᮀ ᮊᮞᮤᮛ᮪

ᮇᮠ᮪ ᮞᮊᮨᮓᮕ᮪ ᮅᮛᮀ ᮕᮤᮜᮛᮤᮃᮔ᮪ ᮠᮩᮜ.

        ᮞᮀᮌᮩᮞ᮪ ᮓᮤ ᮕᮤᮜᮛᮤᮃᮔ ᮊᮥ ᮒᮥᮊᮀ ᮊᮞᮤᮛ, ᮞᮤᮀ ᮠᮧᮛᮦᮀ ᮘᮥᮊᮥᮔ ᮊᮥᮛ᮪ ᮃᮚ ᮠᮤᮏᮤ-ᮠᮤᮏᮤᮔ ᮓᮩᮄ

ᮕᮥᮒᮨᮔ᮪ ᮊᮀ ᮙᮥᮀ ᮃᮚ ᮠᮤᮏᮤ-ᮠᮤᮏᮤᮔ ᮓᮩᮄ.

        ᮒᮥᮜᮥᮚ᮪ ᮄᮞᮜ᮪ ᮏᮩᮀ ᮄᮕᮤᮒ᮪ ᮞᮤᮜᮤᮠ᮪ ᮒᮒᮕ᮪

ᮒᮨᮛᮥᮞ᮪ ᮊᮥᮙᮠ ᮃᮒᮥᮠ᮪? ᮄᮞᮜ᮪ ᮊ ᮄᮕᮤᮒ᮪

ᮑ ᮓᮥᮊ ᮃᮒᮥᮠ᮪ ᮞᮜ᮪, ᮃᮘᮤ ᮘᮨᮔᮨᮛ᮪-ᮘᮨᮔᮨᮛ᮪ ᮘᮥᮒᮥᮠ᮪ ᮘᮥᮊᮥ ᮆᮒ.

ᮇᮠ᮪ ᮑ ᮃᮒᮥᮠ᮪ ᮊᮥ ᮄᮕᮤᮒ᮪ ᮘᮆ, ᮒᮕᮤ ᮃᮘᮤ ᮍ᮪ᮊᮤᮔ᮪ ᮔᮙ᮪ᮘᮥᮒ᮪ ᮘᮥᮊᮥᮔ ᮑ ᮕᮤᮒ᮪.

ᮇᮠ᮪ ᮙᮥᮠᮥᮔ᮪ ᮃᮒᮥᮠ᮪ ᮞᮜ᮪.

ᮎᮤᮊ᮪ ᮃᮒᮥᮠ᮪ ᮙᮔ ᮔᮧᮙᮧᮛ᮪ ᮠᮕᮦᮔ?

ᮇᮠ᮪ ᮰᮸᮵᮷᮱᮲᮳᮴᮵᮶᮰᮹.

ᮇᮊᮦ, ᮍ᮪ᮊᮦ ᮊᮥ ᮄᮞᮜ᮪ ᮓᮤ ᮞ᮪ᮙ᮪ᮞ᮪.

ᮙᮥᮠᮥᮔ᮪.

ᮞᮀᮌᮩᮞ᮪ ᮊᮏᮓᮤᮃᮔ᮪ ᮊᮤᮒᮥ, ᮕᮩᮒᮤᮀᮔ ᮄᮞᮜ᮪ ᮍᮞ᮪ᮙ᮪ᮞ᮪ ᮊ ᮄᮕᮤᮒ᮪.

ᮕᮤᮒ᮪ ᮘᮥᮊᮥ ᮒᮦᮃ ᮆᮔ᮪ᮏᮤᮀ ᮒᮤᮃᮞ ᮔᮙ᮪ᮘᮥᮒ᮪ ᮒᮩ?

ᮇᮠ᮪ ᮙᮥᮠᮥᮔ᮪ ᮞᮜ᮪ ᮍ᮪ᮊᮤᮔ᮪ ᮓᮤ ᮎᮔ᮪ᮓᮊ᮪.

ᮞᮤᮕ᮪ ᮠᮒᮥᮛ᮪ ᮔᮥᮠᮥᮔ᮪.

        ᮄᮞᮥᮊ᮪ᮔ ᮄᮕᮤᮒ᮪ ᮑᮛᮤᮒ ᮊ ᮄᮔᮠ᮪, ᮙᮥᮔ᮪ ᮊᮩᮛ᮪ ᮕᮩᮒᮤᮀ ᮞ᮪ᮙ᮪ᮞᮔ᮪ ᮏᮩᮀ ᮄᮞᮜ᮪.

ᮔᮠ᮪ ᮊᮩᮛ᮪ ᮝᮨᮍᮤ ᮄᮞᮜ᮪ ᮍᮞ᮪ᮙ᮪ᮞ᮪

ᮝᮠ᮪ ᮊᮥᮙᮠ ᮎᮩᮔᮠ᮪?

ᮔᮙ᮪ᮘᮥᮒ᮪ ᮘᮥᮊᮥ ᮞᮤᮠ᮪

ᮇᮠ᮪, ᮒᮨᮛᮥᮞ᮪ ᮊᮥᮙᮠ ᮓᮩᮄ?

ᮑ ᮃᮒᮧᮞ᮪ ᮞᮤᮠ᮪ ᮊᮤᮒᮥ ᮓᮧᮃᮀ

ᮆᮠ᮪ ᮚᮥ ᮃᮠ᮪ ᮒᮧᮞ᮪ ᮃᮚ ᮓᮧᮞᮦᮔ᮪

ᮠᮚᮥ.

        ᮒᮤᮠᮛᮤᮒ ᮄᮕᮤᮒ᮪ ᮞᮧᮊ᮪ ᮞ᮪ᮙ᮪ᮞᮔ᮪ ᮏᮩᮀ ᮄᮞᮜ᮪, ᮒᮕᮤ ᮒᮨᮒᮨᮕ᮪ ᮞᮤᮖᮒ᮪ ᮄᮞᮜ᮪ ᮙᮠ᮪ ᮒᮩ ᮛᮧᮘᮠ᮪-ᮛᮧᮘᮠ᮪, ᮙᮞᮤᮠ᮪ ᮊᮦᮔᮦᮠ᮪ ᮎᮥᮆᮊ᮪, ᮙᮥᮔ᮪ ᮞ᮪ᮙ᮪ᮞᮔ᮪ ᮇᮌᮦ ᮔᮥ ᮕᮨᮔ᮪ᮒᮤᮀ-ᮕᮨᮔ᮪ᮒᮤᮀ ᮓᮧᮃᮀ, ᮍᮘᮜᮨᮞ᮪ᮔ ᮞᮤᮀᮊᮨᮒ᮪-ᮞᮤᮀᮊᮨᮒ᮪.

ᮔᮠ᮪ ᮃᮘᮤ ᮊᮥᮓᮥ ᮊᮥᮙᮠ ᮃᮒᮥᮠ᮪ ᮞᮤᮖᮒ᮪ ᮞᮤ ᮄᮞᮜ᮪ ᮙᮠ᮪ ᮒᮩᮛᮧᮘᮠ᮪-ᮛᮧᮘᮠ᮪?

ᮑ ᮞᮤᮀ ᮞᮘᮛ᮪ ᮝᮦᮠ᮪ ᮍ᮪ᮊᮦ ᮇᮌᮦ ᮜᮥᮜᮥᮠ᮪, ᮃᮛᮤ ᮊᮜᮤᮜᮃᮔ᮪ ᮙᮠ᮪.

ᮒᮕᮤ ᮄᮛᮠ ᮔᮠ᮪?

ᮍ᮪ᮊᮦ ᮌᮦ ᮃᮛᮤ ᮒᮧᮞ᮪ ᮝᮊ᮪ᮒᮥᮔ ᮙᮠ᮪ ᮕᮤᮒ᮪.

        ᮞᮤᮀᮊᮨᮒ᮪ ᮎᮛᮤᮒ, ᮒᮤ ᮙᮤᮙᮤᮒᮤ ᮔᮨᮕᮤ ᮊ ᮃᮚᮩᮔ ᮃᮛᮦᮊ᮪ ᮜᮥᮜᮥᮞ᮪, ᮛᮞ ᮎᮤᮔ᮪ᮒ ᮄᮕᮤᮒ᮪ ᮊ ᮄᮞᮜ᮪ ᮘᮩᮊᮤ ᮌᮨᮓᮦ. ᮙᮥᮀ ᮒᮤᮠᮛᮤᮒ ᮇᮌᮦ ᮄᮕᮤᮒ᮪ ᮒᮩ ᮒᮨᮛᮀ ᮊᮥᮙᮠ ᮕᮨᮛᮞᮃᮔ᮪ ᮄᮞᮜ᮪ ᮊ ᮙᮔᮦᮠ᮪ᮔ.

ᮠᮨᮙ᮪ ᮔᮠ᮪, ᮊᮨᮓᮕ᮪ ᮓᮩᮄ ᮝᮤᮞᮥᮓ ᮒᮕᮤ ᮎᮔ᮪ ᮃᮚ ᮒᮔ᮪ᮓ-ᮒᮔ᮪ᮓ ᮙᮥᮔ᮪ ᮄᮞᮜ᮪ ᮛᮨᮞᮨᮕ᮪ ᮊ ᮃᮘᮤ.

ᮠᮙ᮪ᮕᮥᮛ ᮕᮤᮒ᮪, ᮃᮘᮤ ᮒᮩ ᮒᮤᮃᮞ ᮙᮔ᮪ᮒᮧᮞᮔ᮪, ᮓ ᮘᮥᮓᮊ᮪ ᮆᮒ ᮙᮠ᮪ ᮒᮨᮛ᮪ᮒᮥᮒᮥᮕ᮪ ᮕᮤᮞᮔ᮪.

ᮑ ᮝᮤᮇᮞ᮪ ᮔᮠ᮪ ᮊᮜᮨᮙ᮪, ᮘᮧᮃ ᮜᮄᮔ᮪ ᮙᮤᮜᮤᮊ᮪ ᮙᮩᮛᮩᮔ᮪ ᮙᮩᮔᮀᮊᮩᮔ᮪ ᮠᮒᮦᮔ ᮞᮤ ᮄᮞᮜ᮪.

        ᮒᮠ᮪ ᮊᮤᮒᮥ ᮎᮛᮤᮒ ᮊᮤᮞᮠ᮪ ᮎᮤᮔ᮪ᮒ ᮄᮕᮤᮒ᮪ ᮃᮔᮥ ᮒᮨᮕᮤ ᮊᮃᮚᮩᮔ ᮎᮔ᮪ ᮊᮑᮠᮧᮃᮔ᮪, ᮃᮕ ᮄᮞᮜ᮪ ᮘᮧᮌᮧᮠ᮪ ᮊ ᮄᮕᮤᮒ᮪ ᮃᮕ ᮞᮘᮜᮤᮊ᮪ᮔ.

ᮒᮙᮒ᮪